Telangana Teacher Jobs 2022

దాదాపు ఐదేళ్ల తర్వాత టెట్ నోటిఫికేషన్ విడుదలైంది. జూన్ 12న టెట్ పేపర్ 1, పేపర్ 2లకు పరీక్షలు నిర్వహించిన విద్యాశాఖ అధికారులు జూన్ 29న తుది కీ విడుదల చేసి నేడు టెట్ ఫలితాలను వెల్లడించారు.

ఇక ప్రభుత్వం ఉపాధ్యాయ పోస్టుల భర్తీకి ఏర్పాట్లు చేస్తోంది. టీచర్ పోస్టులకు టెట్ తప్పనిసరి అన్న సంగతి తెలిసిదే. టెట్ లో అర్హత సాధించిన వారందరూ టీచర్ ఉద్యోగాలకు దరఖాస్తు చేసుకోవచ్చు. ఇప్పటికే తెలంగాణలోని జిల్లాల నుంచి ఉపాధ్యాయ ఖాళీలను గుర్తించింది ప్రభుత్వం.

అందుకు అనుగుణంగానే నోటిఫికేషన్ ఇచ్చేందుకు ఏర్పాట్లు చేస్తున్నారు. దాదాపు ఐదేళ్లుగా టీచర్ రిక్రూట్ మెంట్ జరగలేదు. దీంతో లక్షలాది మంది ఉపాధ్యాయ నిరుద్యోగులు నోటిఫికేషన్ కోసం ఎదురు చూస్తున్నారు.

మార్చి 8వ తేదీని తెలంగాణ ముఖ్యమంత్రి కేసీఆర్ అసెంబ్లీ సాక్షిగా 80 వేల ఉద్యోగాలకు పైగా నోటిఫికేషన్లు వెలువడనున్నయని ప్రకటించిన సంగతి తెలిసిందే. అందులో భాగంగా పోలీసు, గ్రూప్ 1 పోస్టులకు నోటిఫికేషన్ విడుదల చేసి దరఖాస్తులను కూడా స్వీకరించారు.

అవే కాకుండా మరి కొన్ని పోస్టులకు ఆర్థిక శాఖ అనుమతితో.. నోటిఫికేషన్ల కొరకు సిద్ధంగా ఉన్నాయి. ఇప్పటికే గురుకులలో ఖాళీగా ఉన్న 10 వేల పోస్టులకు ఆర్థిక శాఖ అనుమతి పొందింది.