Rythu Bharosa

రైతు భరోసా పంట పెట్టుబడి సాయం కోసం రైతులు ఎదురు చూస్తున్నారు. గత బీఆర్ఎస్ ప్రభుత్వం రైతుబంధు పేరుతో ఎకరాకు రూ.10 వేలు ( రెండు విడతల్లో ఖరీప్, రబీ సీజన్లలో) పంట పెట్టబడి సాయం అమలు చేయగా.. కాంగ్రెస్ ఎకరాకు రూ. 15 వేలు (రెండు విడతల్లో) అమలు చేస్తామని హామీ ఇచ్చింది. కాంగ్రెస్ అధికారంలోకి వచ్చి ఏడాది దాటినా ఇప్పటి వరకు రైతుభరోసా పెట్టుబడి సాయం అందించలేదు.

రైతుబంధు పథకం ద్వారా అనర్హులకు ఆర్ధిక సహాయం అందిందని.. ప్రభుత్వ నిధులు దుర్వినియోగమవుతుందన్న విమర్శల నేపథ్యంలో పథకం అమలులో మార్పులు చేయాలని కాంగ్రెస్ సర్కార్ భావించింది. డిప్యూటీ సీఎం భట్టి విక్రమార్క నేతృత్వంలో కేబినెట్ సబ్ కమిటీని సైతం నియమించి.. ఉమ్మడి జిల్లాల వారీగా పథకం అమలుపై ప్రజాభిప్రాయ సేకరణ ప్రక్రియ నిర్వహించింది.