FCI Recruitment 2022

ప్రభుత్వ ఉద్యోగాల కోసం ఎదురు చూస్తున్న యువతకు ఫుడ్ కార్పొరేషన్ ఆఫ్ ఇండియా (FCI) శుభవార్త చెప్పింది. భారీగా ఉద్యోగాల భర్తీకి నోటిఫికేషన్ విడుదల చేసింది. మొత్తం 5043 ఖాళీలను భర్తీ చేయనున్నట్లు నోటిఫికేషన్లో పేర్కొన్నారు అధికారులు. ఈ ఉద్యోగాలకు సంబంధించిన దరఖాస్తుల ప్రక్రియ సెప్టెంబర్ 6వ తేదీన ప్రారంభం కానుంది. దరఖాస్తు చేసుకోవడానికి అక్టోబర్ 6ను ఆఖరి తేదీగా నిర్ణయించారు అధికారులు. అర్హత, ఆసక్తి కలిగిన అభ్యర్థులు ఆ తేదీలోగా దరఖాస్తు చేసుకోవాల్సి ఉంటుంది. ఈ రిక్రూట్‌మెంట్‌ను నార్త్, ఈస్ట్, వెస్ట్, సౌత్ మరియు నార్త్-ఈస్ట్ జోన్‌లలో ఖాళీగా ఉన్న పోస్టులను భర్తీ చేయడం కోసం నిర్వహిస్తున్నారు. అర్హత, ఆషక్తి కలిగిన అభ్యర్థులు సంస్థ అధికారిక వెబ్ సైట్లో ఆన్లైన్ విధానంలో అప్లై చేసుకోవాల్సి ఉంటుంది.

\1\6జోన్ల వారీగా ఖాళీల వివరాలు:

నోటిఫికేషన్ ప్రకారం.. మెకానికల్‌లో సివిల్ ఇంజనీర్, ఎలక్ట్రికల్ ఇంజనీర్ మరియు జూనియర్ ఇంజనీర్, స్టెనో గ్రేడ్-3 మరియు AG-3 జనరల్, అకౌంట్స్, టెక్నికల్, డిపో, హిందీ విభాగాల్లో ఖాళీలు ఉన్నాయి.

JE (EME) – 1 సంవత్సరం అనుభవంతో EE/ME ఇంజనీరింగ్‌లో డిగ్రీ లేదా డిప్లొమా.
JE (సివిల్) – 1 సంవత్సరం అనుభవంతో సివిల్ ఇంజనీరింగ్‌లో డిగ్రీ లేదా డిప్లొమా.
AG-III (టెక్నికల్) – అగ్రికల్చర్ / బోటనీ / బయాలజీ / బయోటెక్ / ఫుడ్‌లో గ్రాడ్యుయేషన్.
AC-III (జనరల్) – గ్రాడ్యుయేషన్ డిగ్రీ, కంప్యూటర్ నాలెడ్జ్.
AG-III (అకౌంట్స్) – B.Com మరియు కంప్యూటర్ నాలెడ్జ్.

AG-III (డిపో) – గ్రాడ్యుయేషన్, కంప్యూటర్ నాలెడ్జ్.
హిందీ టైపిస్ట్ AG-II (హిందీ) – హిందీ టైపింగ్‌లో నిమిషానికి 30 వర్డ్స్ స్పీడ్, గ్రాడ్యుయేషన్. అనువాదంలో 1 సంవత్సరం అనుభవం.
స్టెనో గ్రేడ్-II – DOEC O స్థాయి సర్టిఫికేట్‌తో గ్రాడ్యుయేట్. టైపింగ్ మరియు స్టెనో పరిజ్ఞానం.

ఎంపిక ప్రక్రియ: ఆన్లైన్ పరీక్ష ద్వారా అభ్యర్థుల ఎంపిక ఉంటుంది. రెండు ఫేజ్ లలో ఈ ఎగ్జామ్స్ ఉంటాయి. స్టెనో పోస్టులకు సంబంధించి స్కిల్/టైపింగ్ టెస్ట్ ఉంటుంది.
-తెలుగు రాష్ట్రాల్లో ఫేజ్-1 ఎగ్జామ్ సెంటర్లు: నెల్లూరు , విజయవాడ , కాకినాడ, కర్నూలు , తిరుపతి , విజయనగరం, రాజమండ్రి , ఏలూరు, హైదరాబాద్, కరీంనగర్, వరంగల్ లో పరీక్షా కేంద్రాలు ఉంటాయి.