• వరంగల్‌ జిల్లా రైతులకు శుభవార్త
• అందులో నర్సంపేట నియోజకవర్గానికే రూ.42కోట్లు
• ఈ ఏడాది మార్చిలో వడగండ్లతో నష్టపోయిన రైతులు
• నాడు స్వయంగా పరిశీలించిన సీఎం కేసీఆర్‌
• హామీ నెరవేర్చడంతో హర్షం వ్యక్తం చేస్తున్న అన్నదాతలు

ఏడాది మార్చి నెలలో కురిసిన అకాల భారీ వడగండ్ల వర్షానికి పంట నష్టపోయిన రైతులకు రూ.61కోట్ల పరిహారాన్ని ముఖ్యమంత్రి కేసీఆర్‌ విడుదల చేసినట్లు ఎమ్మెల్యే పెద్ది సుదర్శన్‌రెడ్డి శనివారం ఒక ప్రకటనలో తెలిపారు. వరంగల్‌ జిల్లాకు రూ.61 కోట్ల పంట నష్టపరిహారం విడుదల కాగా ఒక్క నర్సంపేటకే రూ.42 కోట్ల పరిహారం విడుదలైనట్లు పేర్కొన్నారు. గతంలో నర్సంపేట నియోజకవర్గంలో జరిగిన పంట నష్టాన్ని సీఎం కేసీఆర్‌ స్వయంగా సందర్శించడానికి వచ్చినప్పుడు నష్టపోయిన ప్రతీ రైతుకు ఎకరాకు రూ.10 వేల ఇన్‌పుట్‌ సబ్సిడీ ఇస్తానని మాట ఇచ్చినట్లు తెలిపారు. ఇచ్చిన మాటకు సీఎం కేసీఆర్‌ కట్టుబడి పంట నష్ట పరిహారాన్ని విడుదల చేసినట్లు తెలిపారు.