TS Gurukulam Recruitment 2022
తెలంగాణ గురుకుల స్కూళ్లలో టీచర్ పోస్టుల భర్తీకి నోటిఫికేషన్‌ విడుదల.. ఖాళీల వివరాలివే
తెలంగాణలోని నిరుద్యోగులకు గుడ్‌న్యూస్‌. తెలంగాణ దివ్యాంగులు, వయోవృద్ధుల సంక్షేమ శాఖ ఆధ్వర్యంలోని గురుకుల పాఠశాలల్లో (TS Gurukula schools).. ఒప్పంద ప్రాతిపదికన టీజీటీ, ఎస్‌జీబీటీ, వార్డెన్ తదితర పోస్టుల (TGT, SGBT) భర్తీకి నోటిఫికేషన్‌ విడుదలైంది. ఈ నోటిఫికేషన్‌ ద్వారా 42 పోస్టులను భర్తీ చేయనున్నారు.
అర్హత, ఆసక్తిగల అభ్యర్ధుల నుంచి దరఖాస్తులు కోరుతోంది. ఎంపికైన అభ్యర్ధులు.. కరీంనగర్, మహబూబ్‌నగర్‌లోని ప్రభుత్వ అంధుల గురుకుల పాఠశాలలు, కరీంనగర్, మిర్యాలగూడ, హైదరాబాద్‌లోని ప్రభుత్వ బధిరుల గురుకుల పాఠశాలలు, హైదరాబాద్, రంగారెడ్డి జిల్లాల్లోని ప్రభుత్వ దివ్యాంగుల వసతి గృహాల్లో పని చేయవల్సి ఉంటుంది. ఈ పోస్టులకు సంబంధించి అభ్యర్థులను ఇంటర్వ్యూ ఆధారంగా ఎంపిక చేస్తారు. అర్హత, ఆసక్తిగల అభ్యర్థులు ఈ-మెయిల్‌ ద్వారా దరఖాస్తు చేసుకోవాలి. పూర్తి వివరాలను https://wdsc.telangana.gov.in/ వెబ్‌సైట్‌లో చూడొచ్చు.
మొత్తం పోస్టుల సంఖ్య: 42
- ట్రెయిన్‌డ్‌ గ్రాడ్యుయేట్ టీచర్ పోస్టులు: 15
- ఎస్‌జీబీటీ టీటీచర్ పోస్టులు: 15
- ఫిజికల్ ఎడ్యుకేషన్ టీచర్ పోస్టులు: 2
- వార్డెన్ పోస్టులు: 10
ముఖ్య సమాచారం:
- అర్హతలు: పోస్టును బట్టి సంబంధిత స్పెషలైజేషన్‌లో ఇంటర్మీడియట్, బ్యాచిలర్ డిగ్రీ, బీఈడీ, స్పెషల్ డీఈడీ (హెచ్‌హెచ్‌/వీహెచ్‌), స్పెషల్ బీఈడీ(వీహెచ్‌/హెచ్‌హెచ్‌), ఎంఏ (సోషల్ వర్క్/సోషియాలజీ), డీపీఈడీలో ఉత్తీర్ణత సాధించి ఉండాలి. అలాగే సంబంధిత పనిలో అనుభవం కూడా ఉండాలి. ఇంగ్లీష్‌ మీడియంలో బోధన నైపుణ్యాలున్నవారికి ప్రాధాన్యత ఉంటుంది. రిటైర్ అయిన టీచర్లు కూడా దరఖాస్తు చేసుకోవచ్చు.
- వయోపరిమితి: అభ్యర్ధుల వయసు 18 నుంచి 44 ఏళ్లకు మధ్య ఉండాలి.
- పే స్కేల్: నెలకు రూ.30,000 నుంచి రూ.35,000ల వరకు జీతంగా చెల్లిస్తారు.
- ఎంపిక విధానం: ఇంటర్వ్యూ ఆధారంగా అభ్యర్ధులను ఎంపిక చేస్తారు.
- దరఖాస్తు విధానం: ఆసక్తి కలిగిన అభ్యర్ధులు ఈ మెయిల్‌ ద్వారా దరఖాస్తు చేసుకోవాలి.
- ఈ మెయిల్‌ ఐడీ: wdsc2021recruitment@gmail.com
- దరఖాస్తుకు చివరి తేదీ: జులై 14, 2022
- పూర్తి వివరాలకు వెబ్‌సైట్‌:https://wdsc.telangana.gov.in/
